Жамбыл облысынан Алматыға 30 кг-дан астам есірткі жеткізбек болғандар ұсталды

Жамбыл облысында Алматыға ірі көлемде есірткі жеткізбек болғандар қолға түсті. Бұл туралы Azattyq Rýhy агенттігі Polisia.kz-ке сілтеме жасап хабарлайды.

«Қарасора» жедел-профилактикалық іс-шарасы аясында Шу ауданында Түркістан облысының және Алматы қаласының 2 тұрғыны жабайы қарасораны дайындау және жинау кезінде ұсталды.

Полиция қызметкерлері 27,5 келі каннабис өсімдіктері мен 4,7 келі кептірілмеген марихуананы тәркіледі.

«Ұсталған адамдар бұрын сотты болғандар. Олар өз кінәсін толығымен мойындап. Шу ауданының уақытша ұстау изоляторына қамауға алынды. Тергеу аяқталғаннан кейін іс материалдары сотқа жолданады», — деді облыстық ПД ЕҚҚК басқармасы бастығының м.а. Асқар Жұмабеков.