Талғарда қаза болған Шерзат Болаттың үйі өртеніп кетті: ҚР ТЖМ мәлімдеме жасады

ҚР ТЖМ Талғарда қылмыскерлер қолынан қаза тапқан 16 жастағы Шерзот Болаттың үйінің өртеніп кетуіне қатысты мәлімдеме жасады, деп хабарлайды Azattyq Rýhy.

Ведомство мәліметінше, 12 қазан күні сағат 00:50-де Алматы облысы Еңбекшіқазақ ауданы Азат ауылында тұрғын үй өртеніп кетті.

«Шақыру орнына Алматы облысы ТЖД 10 қызметкері мен 3 бірлік техникасы дереу жіберілді.

Бірінші өрт сөндіру бөлімшесі келген сәтте сағат 01-08-де тұрғын үйдің шатырының жануы орын алғаны анықталды. Үй толығымен отқа оранған.

Қабылданған жедел шаралардың нәтижесінде өрт 01-38 оқшауланып, 01-43 сағатта 56 ш.м. алаңда толығымен жойылды. Зардап шеккендер жоқ. Өрттің себебі нақтылануда.

Өрттің себебін анықтау үшін Алматы облысы ТЖД зерттеу сынақ өрт зертханасы мен анықтау бөлімінің қызметкерлері оқиға орнында», – делінген хабарламада.