Ер адам Қазақстаннан Өзбекстанға үш метрлік питонды алып өтпек болған

Қазақстаннан Өзбекстанға Халықаралық Қызыл кітапқа енген альбинос жолбарыс питонын кәдімгі сөмкеге салып алып өтпек болған, деп хабарлайды Azattyq Rýhy.

Ташкент облысы кеден департаменті баспасөз қызметінің мәліметінше, қазіргі уақытта тергеуге дейінгі тексеру жүргізіліп жатыр.

«Гишт-Куприк» шекаралық кеден бекетінде Қазақстаннан кірген ер адамның сөмкесін бақылау-рентгендік жабдықтың көмегімен тексеру кезінде жылан табылды, бұл туралы ауызша хабарламада хабарланбаған. Кедендік декларацияда бауырымен жорғалаушылар да көрсетілмеген», - делінген хабарламада.

Бұл жылан Халықаралық Қызыл кітапқа енгізілгендіктен, оны Өзбекстанға әкелу үшін халықаралық рұқсат қажет. Алайда ер адамда рұқсат болмаған.

Питон Ташкент хайуанаттар бағына жөнелтілді, сарапшылар оның жағдайын тұрақты деп бағалап отыр.