Жамбыл облысында тағы үш адамнан коронавирус анықталды

Жамбыл облысында тағы үш адамнан коронавирус инфекциясы анықталды, деп хабарлады Мемлекеттік комиссияның шұғыл штабы.

«12 мамырдағы мәлімет бойынша, коронавирусты жұқтырғандар — 1949, 1957 және 1963 ж.  облыс орталығының тұрғындары. Барлығы ЖРВИ белгілерімен медициналық мекемеге жатқызылған. Олардан алынған зертханалық талдаулар коронавирус инфекциясының ағзада барын көрсетті», - делінген хабарламада. 

Үш азамат та жұқпалы аурулар стационарына орналастырылды. Олармен байланыста болған адамдарды анықтау, оларды емдеуге жатқызу және анализ алу жұмыстары жүргізіліп жатыр.

12 мамырдағы жағдай бойынша облыста COVID-2019 коронавирус инфекциясын жұқтырған 185 адам тіркелген.