«Барыстағы» ең қымбат ойыншының жалақысы 125 млн теңгені құрайды

«Барыстағы» ең қымбат үш ойыншының есімі анықталды, деп хабарлайды  Azattyq Rýhy Sport Plus Qazaqstan сайтына сілтеме жасап.

Кирилл Савицкий елордалық клубтың жаңа маусымдағы ең көп жалақы алатын хоккейшісі атанды. «Спорт-Экспресс» хабарлауынша, оның жалақысы 125,9 миллион теңгені құрайды.

Одан кейін 110,2 миллион теңге жалақымен Роман Старченко тұр. Ал үздік үштікті Кирилл Панюков аяқтады. Оның жалақысы 104,9 миллион теңге құрады.

Айта кетейік, бұл сомаға хоккейшілерге берілетін бонустар кірмейді, бұл спортшыларға негізгі жалақысы ретінде беріледі.