Алматы мен Түркістан облыстарындағы өзендерде су деңгейі көтерілуі мүмкін

Алматы және Түркістан облыстарында, сондай-ақ Алматы маңында су деңгейі көтерілуі мүмкін, деп хабарлайды «Казгидромет» РМК орталығы.

«9-11 мамыр аралығында Алматы және Түркістан облыстарында, сондай-ақ Алматы маңында жауын-шашынға байланысты өзендерде су деңгейі көтерілуі мүмкін», - деп жазылған хабарламада.

Айта кетейік, мұның алдында метеоқызмет өкілдері еліміздің сегіз аймағына, атап айтқанда Атырау облысы, БҚО, Маңғыстау және Қарағанды облыстарында, Түркістан облысы мен Шымкентте, Ақмола облысы мен СҚО да ескерту жариялаған еді.