Нұрдәулет Жұмағали Паралимпиада ойындарында күміс медаль еншіледі
Ол финалда SB13 санатында 100 метрге брасс әдісімен жүзуден бақ сынады
Нұрдәулет Жұмағали Париж Паралимпиадасының финалында SB13 санатында 100 метрге брасс әдісімен жүзуден бақ сынап, күміс медаль жеңіп алды, деп хабарлайды Azattyq Rýhy Туризм және спорт министрлігінің баспасөз қызметіне сілтеме жасап.
«Нұрдәулет Жұмағалиды Париж Паралимпиадасындағы тамаша жетістігімен шын жүректен құттықтаймын! Пара жүзу спортындағы осы күнге дейін жиған тәжірибесі мен шеберлігінің нәтижесінде бүгін Париж төрінде күміс медаль олжалап, әлемдік аренада ел абыройын асқақтатты. Бұл жеңісі арқылы ол елімізде пара спорттың дамуына, оны насихаттауға үлкен үлес қосты. Оның жеңіске деген ерік-жігері баршаға үлгі әрі бәріне жігер береді деп ойлаймын. Болашақта да жоғары нәтижелерге қол жеткізіп, жанкүйерлерді жарқын жеңісімен қуантатынына сенімдімін»,- деді Туризм және спорт министрі Ербол Мырзабосынов.
