Сонымен қатар жаңа техникалық төлқұжатта штрихкод пайда болады
Қазақстандық жүргізуші куәліктеріне саусақ іздері тіркеледі, - деп хабарлайды Tengrinews.kz.
«Біз жүргізуші куәліктерін тіркеу қауіпсіздігін қамтамасыз етеміз. Жады көп жаңа үлгідегі чиптерді енгізіп жатырмыз. Ол көп ақпарат сақтау үшін қажет, себебі құжат иесінің биометрикалық деректерін, оның ішінде саусақ іздерін де енгізбекшіміз. Чип құжаттың артқы бөлігінде орналастырылады. Жаңа көлік құжаты жеке құжатқа ұқсас. Тіркеу туралы куәлікке сәйкес құжаттың түсін өзгертуді жоспарлап отырмыз», - деп хабарлады ІІМ әкімшілік полиция комитеті төрағасының орынбасары Әлібек Кеңісбаев.
Көлік құжатына саусақ іздерін 2021 жылдан енгізе бастайды. Бұған дейін жүргізуші куәлігі мен техникалық төлқұжаттың жаңа үлгісінің эскизі пайда болған. Жүргізуші куәлігінің түсі өзгереді.
Техникалық төлқұжатта штрихкод пайда болады.
Фото: Техникалық құжаттың жаңа үлгісі © legalacts.egov.kz
ІІМ жаңа жүргізуші куәліктерін дайындау барысында сапалы техникалық өнімдерді қолдануға уәде берді.