Жылына 2 мың тонна ірімшік өндіріледі
Қостанай облысында 2024 жылдың қараша айында ірімшіктің 20 түрін шығаратын зауыт іске қосылады, деп хабарлайды Azattyq Rýhy.
«Милх» ірімшік өндіру зауыты жобасының құны 7,2 млрд теңгені құрайды. Толық қуаты іске қосылған кезде кәсіпорын тәулігіне 250 тоннаға дейін сүт өңдеп, қатты ірімшіктің 20-дан астам түрін өндіреді. Өндіріс қуаттылығы жылына 2 мың тонна ірімшікті өңдеуге мүмкіндік береді. 35 жаңа жұмыс орны ашылады», - деп хабарлады Ауыл шаруашылығы министрлігі.