«Qarmet» АҚ өз қызметкерлерінің қаза табуы туралы хабарды жоққа шығарады

Бүгін бірқатар БАҚ пен Telegram арналарында «Qarmet» АҚ қызметкерлері демонтаждау жұмыстарын жүргізу кезінде болған жазатайым оқиғаға ұшырағаны туралы ақпарат тарады. Ақпарат шындыққа сәйкес келмейді және жалған болып табылады. Бұл туралы «Qarmet» АҚ мәлімдеді, деп хабарлайды  Azattyq Rýhy.

Жазатайым оқиға демонтаждау жұмыстарын жүргізу кезінде «Казмеханомонтаж» ЖШС қызметкерлерінің арасында орын алды.

«Qarmet» АҚ БАҚ пен жұртшылықты ресми ақпаратты ұстануға, болжамдар мен жалған ақпарат таратпауға шақырады. «Qarmet» АҚ «Казмеханомонтаж» ЖШС қаза тапқан қызметкерлерінің отбасыларына қайғыра көңіл айтады», - делінген хабарламада.