Еліміздің бірнеше өңірінде тамыз айында құрғақшылық болады

«Қазгидромет» РМК баспасөз қызметі Қазақстанның 2024 жылдың тамыз айына арналған құрғақшылық болжамын жариялады, деп хабарлайды Azattyq Rýhy.

Соңғы болжамға сәйкес тамыз айында Қазақстан аумағында атмосфералық ылғал елдің солтүстігінде, солтүстік-батысында және шығысында жекелеген аудандарда орташа ылғалды болады деп күтілуде.

Вегетациялық кезеңде жауын-шашын тапшылығы байқалатын Қостанай, Алматы, Жамбыл және Қызылорда облыстарының жекелеген аудандарында құрғақшылық болжанып отыр.

Тамыз айында мына өңірлер орташа ылғалды болады деп күтіліп отыр:

• Солтүстік Қазақстан облысының басым бөлігінде;
• Қостанай облысы;
• Ақмола облысы;
• Павлодар облысы; 
• Ақтөбе облысының Әйтеке би, Қарғалы, Мұғалжар және Хромтау аудандарында;
• Шығыс Қазақстан облысының Катонқарағай және Құршым аудандарында.

Ал орташа құрғақ жағдайлар:

• Балқаш ауданының оңтүстік бөлігінде және Алматы облысы Жамбыл ауданының солтүстік бөлігінде;
• Жамбыл облысының Мойынқұм және Талас аудандарында;
• Қызылорда облысының Қармақшы ауданында. 

Елдің қалған бөлігінде ылғалды ауа райы қалыпты жағдайға жақын болады деп күтілуде.