Назым Қызайбай - Париж Олимпиадасының қола жүлдегері

Қазақстандық боксшы Назым Қызайбай (50 кг) Париж Олимпиадасының финалына өте алмады, деп хабарлайды Azattyq Rýhy.

Ол жартылай финалда қытайлық Ву Юға есе жіберді.

Назым Қызайбай Олимпиада ойындарының алғашқы жекпе-жегінде Италия боксшысы Джордана Соррентиноны жеңді. Екінші жекпе-жегінде бразилиялық қарсыласы Каролин Барбоза де Алмейданы 5:0 есебімен ұтып, ширек финалға шықты.

Сонымен қатар ширек финалда Колумбия боксшысы Валенсия Виктория Ингрит Лоренаны жеңіп, жартылай финалға жетті.

Айта кетелік, бұл – Назымның мансабындағы алғашқы Олимпиада ойындары. Спортшы әлем чемпионатында 2 рет топ жарды. Сондай-ақ Азия чемпионы атанған.