Британдық компания Данияр Елеусінов туралы фильм түсірді (ВИДЕО)

Ұлыбританияның Matchroom Boxing промоутерлік компаниясы жеңілмеген қазақстандық боксшы Данияр Елеусінов туралы (9-0, 5 КО) бейнеролик жариялады, деп хабарлайды Sports.kz.

Фильмде Елеусіновтің кәсіби мансабының басталғаны, оның одан әрі дамуы мен жекпе-жектер сахнасы көрсетілген.

Айта кетейік, Данияр коронавирус пандемиясына байланысты АҚШ-тағы Бойнтон Бичте (Флорида) карантинде қалды. Соңғы мәліметтер бойынша, АҚШ-та 9 960 896 адам COVID-19 жұқтырған (54 265 адам өлді, 118 162 адам жазылды).

Елеусіновтің кәсіби мансабына келер болсақ, қазақстандық келесі жекпе-жекте бұрынғы әлем чемпионы, намибиялық боксшы Юлий Индономен (23-2, 12 КО) жұдырықтасуы керек.

Еске салайық, Matchroom Boxing-ті тағы бір қазақстандық боксшы Геннадий Головкинмен (40-1-1, 35 КО) бірге жұмыс істейтін Эдди Хорн басқарады.