Париж-2024: жазғы олимпиаданың салтанатты ашылу рәсімі басталды

Парижде 2024 жылғы жазғы олимпиада ойындарының салтанатты ашылу рәсімі басталды, деп хабарлайды Azattyq Rýhy.

Бұл жолғы жазғы олимпиада бұрынғылардан өзгеше басталды. Себебі Париж төрт жылда бір келетін спорт додасының ашылу салтанатын стадионда емес Сена өзенінің бойында өткізіп жатыр.

Салтанатты шара аясында өтетін спортшылар шеруінде әр делегация жеке-жеке қайықпен өзен бойымен жүріп өтеді.

2024 жылғы жазғы Олимпиаданың ашылу салтанатында боксшы Асланбек Шымбергенов пен жеңіл атлет Ольга Сафронова Қазақстан құрамасының туын алып жүреді.

Салтанатты шараны еліміздің жанкүйерлері тұңғыш рет бес бірдей телеарнадан тікелей эфирде тамашалауда.  Qazaqstan, Qazsport, «Хабар», «Ел арна» және Jibek Joly телеарналары. ойынның ресми ашылу салтанатын бірдей уақытта тікелей эфирде көрсетіп жатыр.

Айта кетейік, XXXIII жазғы Олимпиада ойындары Франция астанасы – Парижде 26 шілде мен 11 тамыз аралығында өтеді.  Оған әлемнің 205 елінен 10 500 спортшы қатысады. Олардың қатарында 80 отандасымыз бар.