Төтенше жағдай жөніндегі мемлекеттік комиссия осындай шешім қабылдады
Жұмыс істеуге рұқсат берілген орындар арасында фотосалондар мен гүл сататын дүңгіршектер де бар.
«Премьер-министр Асқар Маминнің төрағалығымен ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссияның кезекті отырысы өтті. Еліміздегі санитарлық-эпидемиологиялық жағдай туралы денсаулық сақтау министрі Елжан Біртанов, карантин жағдайында өңірлердегі шектеу шараларын одан әрі жеңілдету жөніндегі ұсыныстар туралы Премьер-министрдің орынбасары Ералы Тоғжанов баяндады», - жеп хабарлайды Премьер-министрдің ресми сайты.
Осылайша, 4 мамырдан бастап Қазақстан бойынша мына субьектілер жұмыс істеуге кіріседі:
• аумағы 500 ш. м. дейін болатын азық-түліктік емес дүкендер сағат 17:00-ге дейін (барлық түрлері);
• фотосалондар, гүл сататын дүңгіршектер;
• шаштараздар (жазылу бойынша);
• медицина орталықтары (жазылу бойынша);
• стоматологиялық клиникалар (жазылу бойынша);
• жылжымайтын мүлікпен операцияларды жүзеге асыратын компаниялар, жарнама агенттіктері, адвокаттар, нотариустар;
• шағын қаржы ұйымдары, сақтандыру компаниялары, ломбардтар, айырбастау пункттері;
• ақпараттық-коммуникациялық технологиялар компаниялары.
Сонымен қатар, мемлекеттік комиссия бірқатар ішкі әуе рейстерін ашқалы отыр. Дәлірек айтсақ, 4 мамырдан бастап Нұр-Сұлтан мен Алматыдан Қызылордаға, Петропавлға, Өскеменге және Семейге ұшақ қатынай бастайды.
Кенжекей Тоқтамұарт, Нұр-Сұлтан