Төтенше жағдай қызметкерлерінің 90 пайызы тұрғын үйге мұқтаж – министр
ТЖМ министрі бұл мәселе 1 қаңтардан бастап шешілетінін айтты
Төтенше жағдай қызметкерлерінің 90 пайызы тұрғын үйге мұқтаж. Бұл туралы Төтенше жағдайлар министрі Шыңғыс Әрінов журналистердің сұрағына жауап беру кезінде айтты, деп хабарлайды Azattyq Rýhy.
Министр заңға өзгерістер енгізіліп, 1 қаңтардан бастап мәселе шешілетінін айтты.
«Қазіргі таңда біз министрлік тарапынан қажетті шараларды қабылдап жатырмыз. Бүкіл қажетті келісімдер бар. Бірақ заңды тұрғыдан бұл сұрақты әлі шешкен жоқпыз. Біздің ойымызша қыркүйектен бастап заңға өзгерістер енгіземіз. Ең басты мәселе – тұрғын үй төлемдерін алу. Біздің болжам, жоспар бойынша келесі жылдың 1 қаңтарынан бастап сол мәселені шешеміз, 90% ТЖМ қызметкерлері тұрғын үйге мұқтаж», - деді Шыңғыс Әрінов.
