«Бірде-бір мал тіркелмеген»: Жалпы құны 5 млрд теңге болатын жайылым халыққа қайтарылды

Павлодар облысы Аққулы ауданында құны 5 млрд теңге болатын жайылым жерлері халық игілігіне қайтарылды, деп хабарлайды Azattyq Rýhy.

Бұндай өрескел заң бұзу фактісін жергілікті прокурорлар тапқан. Олар ауыл шаруашылығына арналған 36 мың гектар жердің заңға қайшы пайдаланып жатқанын анықтаған. Егін егетін жерлер жылдар бойы бос тұрып, ал, мал жаюға арналған жерлерде бірде-бір мал тіркелмегені белгілі болған.

«Прокуратураның актісі бойынша бір айдан аз уақыт ішінде кадастрлық құны 5 млрд теңге болатын 4 мың гектардан астам жайылым халыққа қайтарылды», - деп хабарлады бүгін облыс прокуратурасы.