$ 510.78  576.06  6.35
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Алматыда Әзірбайжан мен Армения СІМ басшылары арасындағы келіссөз аяқталды

Министрлер делимитация бойынша ілгерілеуді құптады

Алматыда Әзірбайжан мен Армения СІМ басшылары арасындағы келіссөз аяқталды
Фото: istockphoto.com

Алматыда Әзірбайжан мен Армения республикасының сыртқы істер министрлері Джейхун Байрамов пен Арарат Мирзоян арасындағы келіссөз аяқталды. Екі тарап ашық мәселелер бойынша келіссөздерді жалғастыруға уағдаласты. Бұл туралы Әзірбайжан мен Армения сыртқы істер министрліктері мәлім етті, деп хабарлайды Azattyq Rýhy.

Дипломаттар Алматы Достық үйінде өткен келіссөз екі мемлекет арасында бейбітшілік орнату туралы екіжақты келісім жобасын талқылауға көмектескенін атап өтті.

«Министрлер мен олардың делегациялары Әзірбайжан мен Армения арасындағы бейбітшілік пен мемлекетаралық қатынастарды орнату туралы екіжақты келісім жобасының ережелерін талқылады. Тараптар әлі де келісілмеген мәселелер бойынша келіссөзді жалғастыруға келісті», - делінген Әзірбайжан СІМ мәлімдемесінде.

Министрлер делимитация бойынша ілгерілеуді, сондай-ақ осы бағытта қол жеткізілген келісімдерді құптады.

«Сапар барысында министрлер Қазақстан премьер-министрінің орынбасары, сыртқы істер министрі Мұрат Нұртілеумен жеке және үшжақты форматта кездесті», - делінген хабарламада.

Екі мемлекеттің сыртқы істер ведомстволарының басшылары Джейхун Байрамов пен Арарат Мирзоян келіссөз алаңын ұсынған Қазақстанға алғыс білдірді.

Серіктес жаңалықтары