Рим папасының мойнындағы крестін ұрлаған ұры полицияға өзі берілді

Германияның Траунштейн қаласында сот ұрлық ісін қарайды. 2023 жылдың маусымында күдікті қалалық шіркеуден қайтыс болған Рим Папасы Бенедикт XVI-ның крестін ұрлап кеткен. Бұл туралы Azattyq Ruhy агенттігі Bild басылымына сілтеме жасап хабарлайды.

Қыркүйек айында қылмыскердің өзі Чехияда полицияға барып, кінәсін мойындаған. Өзінің айтуынша, қауіпсіздігі үшін қорқыпты.

«Газеттерден ол бұл Рим Папасының кеудесіндегі кресті екенін білген. Содан кейін оны басқалар ұрлап кетуі мүмкін деп қорқыпты. Сол себепті досына сақтау үшін тапсырған», – дейді заңгер Майкл Фогель.

Бұған дейін айыпталушы кресті сатпақ болған.

«Бір дилер оған 18 еуро ұсынды, бірақ бұл тым аз болды», - дейді адвокат.

Зерттеуге сәйкес, ұрланған тауардың материалдық құны шамамен 800 еуроны құрайды.  Крест алтын жалатылған күмістен жасалған.  «Ескерткіш құны» шамамен 50 000 еуро болуы мүмкін. Көзі тірісінде Папа Бенедикт бұл крестті Траунштейндегі туған приходына сыйға тартыпты.