Найзағай, бұршақ: елдің бірнеше өңірінде ауа райына байланысты ескерту жарияланды

«Қазгидромет» РМК синоптиктері 29 сәуірде елдің бірнеше өңірінде ауа райына байланысты ескерту жасады, деп хабарлайды Azattyq Rýhy.

Қарағанды облысының солтүстігінде найзағай ойнап, бұршақ жауады. Батыстан, оңтүстік-батыстан жел соғады, облыстың батысында, солтүстігінде 15-20, екпіні 23 м/с. 29 сәуірде облыстың оңтүстігінде жоғары өрт қаупі сақталады. 

Ақмола облысының батысында, солтүстігінде, шығысында, күндіз батысында, оңтүстігінде, шығысында найзағай ойнайды. Күндіз облыстың батысында, оңтүстігінде, шығысында бұршақ жауады. Оңтүстік-батыстан соғатын жел солтүстік-батысқа ауысады, облыстың батысында, солтүстігінде, шығысында 15-20, найзағай кезінде екпіні 23 м/с болады.

Маңғыстау облысының оңтүстігінде, батысында, орталығында шаңды дауыл. Оңтүстік-шығыстан жел соғады, күндіз облыстың оңтүстігінде, батысында, орталығында екпіні 15-20 м/с болады. Облыста жоғары өрт қаупі сақталады. 

Солтүстік Қазақстан облысының солтүстігінде, шығысында, оңтүстігінде, күндіз облыстың батысында, оңтүстігінде найзағай күтіледі. Солтүстік-батыстан жел соғады, түнде күші 15-20, облыстың солтүстігінде, шығысында, оңтүстігінде екпіні 23-28 м/с, күндіз облыстың солтүстігінде, шығысында екпіні 15-20 м/с. 

Түркістан облысының тауында найзағай, дауыл күтіледі. Солтүстік-шығыстан жел соғады, облыстың солтүстігінде, батысында, таулы және тау бөктерлі аудандарында 15-20 м/с. Облыстың солтүстігінде жоғары өрт қауіпі сақталады.

Шымкентте солтүстік-шығыстан жел соғады, күндіз екпіні 15-20 м/с.

Қостанай облысының батысында, солтүстігінде, шығысында найзағай ойнайды. Солтүстік-батыстан жел соғады, облыстың батысында, солтүстігінде, шығысында 15-20 м/с.

Абай облысының солтүстігінде, солтүстік-батысында найзағай ойнайды. Жел оңтүстіктен, оңтүстік-батыстан соғады, облыстың батысында, солтүстігінде, орталығында 15-20, күндіз екпіні 23 м/с. Абай облысының оңтүстігінде жоғары өрт қаупі сақталады. 

Шығыс Қазақстан облысының солтүстік-батысында найзағай ойнайды. Оңтүстік-шығыстан соғатын жел оңтүстік-батысқа ауысады, күндіз облыстың солтүстігінде екпіні 15-20 м/с.

Павлодар облысының солтүстігінде, шығысында найзағай, күндіз бұршақ жауады. Оңтүстік-батыстан жел соғады, облыстың батысында, оңтүстігінде екпіні 15-20 м/с. Павлодар қ: 29 сәуірде оңтүстік-батыстан таңертең және күндіз жел соғады екпіні 15-20 м/с.

Батыс Қазақстан облысының батысында, солтүстігінде найзағай, бұршақ жауады. Оңтүстіктен соғатын жел солтүстікке ауысады, күндіз облыстың батысында, солтүстігінде екпіні 15-20 м/с.