«Көлікті мас күйде жүргізген»: СҚО-да мемқызметші 6 айға сотталды

Ол мас күйде рульге ие бола алмай жол апатын жасаған

Фото: istockphoto.com

Солтүстік Қазақстан облысы Тимирязев ауданында көлікті мас күйде жүргізіп ұсталған мемлекеттік қызметші жауапкершілікке тартылды, деп хабарлайды Azattyq Rýhy.

Солтүстік Қазақстан облыстық сотының мәліметінше, оқиға 20 наурызда болған. Мемлекеттік қызметші көлікті мас күйде басқарып, рульге ие бола алмай жол апатын жасаған. Салдарынан қасындағы жолаушы зардап шекті.

Істі Тимирязев аудандық соты қарады. Ол өз кінәсін мойындамағанымен, мемлекеттік айыптау қылмысын дәлелдеді. Сот прокуратураның пікірімен келісіп, оны 6 айға бас бостандығынан айырды.

Үкім заңды күшіне енген.

Мақалада

#СҚО #Сот шешімі #мас жүргізуші #мемлекеттік қызметкер

Алдыңғы жаңалық

Су тасқыны: Ақтөбе облысында тағы 5 кентті су басу қаупі бар