Мұндай жалған мәлімет Қазақстан Республикасының беделін түсіруге бағытталған
ҚР Қорғаныс министрлігінің баспасөз қызметі кейбір Telegram-арналарда Татарстан Республикасының объектілеріне шабуыл жасаған ұшқышсыз басқарылатын құрылғылардың Қазақстан аумағынан ұшырылғаны туралы жарияланған ақпарат шындыққа жанаспайтынын нақтылады, деп хабарлайды Azattyq Rýhy.
«Мұндай жалған мәлімет Қазақстан Республикасының беделін түсіруге бағытталған. Осыған байланысты азаматтар мен бұқаралық ақпарат құралдарына таралған қауесеттерге мән бермеуін және тек ресми ақпарат көздеріне сенуін сұраймыз», - деп мәлімдеді ҚР Қорғаныс министрлігінің баспасөз қызметі.