Коронавирусты жұқтырған ең алғашқы адам Қытайдағы зертханада жұмыс істеген – америкалық БАҚ

Америкалық FOX News телеарнасының хабарлауынша, COVID-19 инфекциясымен ауырған ең алғашқы адам Ухань қаласындағы Вирусология институтынының зертханасында жұмыс істеген. Теларнаның дереккөздері Қытайды дәлелдерді жойып жіберді айыптап отыр.

БАҚ тілшісінің айтуынша, коронавирус алдымен жарқанатта болып, кейін адамға берілген. Ал, ол адам Ухань тұрғындарына жұқтырған.

Айта кетейік, бұған дейін АҚШ-тың қорғаныс министрі Марк Эспер де Қытай билігін коронавирус жайлы ақпараттарды жасырып отыр деп айыптап, әлем елдерін ресми Пекинге қысым көрсетуге шақырған. ҚХР билігі оның сөзін жоққа шығарып, ауру туралы ақпараттың бәрін ашық әрі жедел таратып отырғанын айтты.