Пәкістанда бес қытайлық жұмысшы жолдағы шабуылда қаза тапты

Пәкістанның солтүстік-батысында Хайбер-Пахтунхва провинциясының Шангла округінде миналанған көліктегі жанкештілер қытайлық жұмысшылар мен инженерлер мінген көлікті соғып кетті. Салдарынан Қытайдың бес азаматы, оның ішінде бір әйел және олардың пәкістандық жүргізушісі қаза тапты, деп хабарлайды Azattyq Ruhy interfax.ru-ге сілтеме жасап.

Қытай мамандары апат кезінде Пәкістанның ең ірі гидроэнергетика нысаны салынып жатқан Дасу бөгетіне бара жатқан. Көлік соққы салдарынан шатқалдағы тау жолынан төменге құлап, өртке оранған. Қаза тапқандардың денелері Исламабадқа жеткізіледі.

Пәкістан Премьер-Министрі Шахбаз Шариф Қытай елшілігіне барып, шабуылды айыптады, тергеуді жоғары деңгейде жүргізуге және кінәлілерді жазалауға уәде берді. Исламабадтағы ҚХР елшілігі де Пәкістаннан кінәлілерді табуды талап етті.

Болған оқиға үшін ешкім жауапкершілікті өз мойнына алған жоқ. Бірақ бұрын мұндай шабуылдарды белуджа халқының сепаратистері жасаған. Осылайша, бірнеше күн бұрын Пәкістанның қауіпсіздік қызметі Белуджистан провинциясындағы ҚХР тұрғызған Гвадар портынан Қытай азаматтарын алып бара жатқан конвойға оқ жаудырған кезде «Белуджистанның азаттық армиясының» сегіз жауынгерін жойды.