Республиканың басым бөлігінде дауылды ескерту жарияланды

Бүгін республиканың басым аймағында ауа райы құбылмалы болады, деп хабарлайды Azattyq Ruhy ҚазГидрометке сілтеме жасап.

Бүгін күндіз және түнде Қарағанды облысының солтүстігінде, оңтүстігінде, орталығында тұман, солтүстігінде көктайғақ күтіледі.

Ал Ұлытау облысында екпіні 15-20 м/с оңтүстік-батыстан жел соғады.

Атырау облысында да екпіні 23 м/с жел соғады деп күтіледі.

Ақтөбе облысында күндіз екпіні 15 м/с жел соғуы ықтимал.

Еліміздің бас қаласы -  Астанада түнде және таңертең тұман болуы ықтимал.

Қостанай облысында жаңбыр жауады деп болжанады. Облыстың шығысында тұман күтіледі. Оңтүстік-шығыстан жел соғады, облыстың батысында, солтүстігінде, оңтүстігінде 15-20 м/с жел соғады.

Павлодар облысының батысында, солтүстігінде, оңтүстігінде жаңбыр күтіледі. Түнде және таңертең облыстың батысында, солтүстігінде тұман түседі.

Қызылорда облысының шығысында, орталығында, күндіз батысында, солтүстігінде найзағай ойнауы мүмкін. Жел оңтүстік-батыстан соғады.

Солтүстік Қазақстан облысында жаңбыр күтіледі. Түнде облыстың оңтүстік-батысында, күндіз облыстың оңтүстігінде, шығысында көктайғақ болуы мүмкін. Түнде және таңертең облыстың шығысында тұман күтіледі.

Ақмола облысының батысында, оңтүстігінде жауын-шашын (көбінесе жаңбыр), күндіз жаңбыр күтіледі. Түнде және таңертең облыстың солтүстігінде, шығысында тұман күтіледі. Оңтүстік-шығыстан соғатын жел оңтүстік-батысқа ауысады, облыстың батысында, солтүстігінде екпіні 15-20 м/с күтіледі.

Жетісу облысының Алакөл көлдері ауданында оңтүстік-шығыстан жел соғады, екпіні 15-20, кей уақыттарда 25 м/с.

Маңғыстау облысының оңтүстігінде, шығысында, орталығында найзағай күтіледі. Облыстың шығысында, орталығында тұман күтіледі. Батыстан жел соғады, облыстың солтүстігінде, орталығында 15-20 м/с күтіледі.

27-29 наурыз аралығында Түркістан, Жамбыл облыстарында қатты жаңбыр болжамына байланысты таулы және тау бөктеріндегі өзендерде су деңгейлерінің көтерілуі күтіледі.

29 мен 31 наурыз аралығында Ақтөбе облысында күн райының жылынуы және қардың қарқынды еруіне байланысты өзендерде су деңгейінің көтерілуі және мұз кептелісі болуы күтіледі. Өзендер қауіпті деңгейден асуы мүмкін!

Ескерту: қауіпті деңгейден асқан жағдайда өзеннің төменгі ағысында орналасқан елді мекендерді, шаруашылық құрылыстарды және жергілікті маңызы бар жолдарды су басуы мүмкін.

Батыс-Қазақстан облысында судың келуі жалғасуда, өзендегі су деңгейі бүйірлік ағынға байланысты өсуде және қауіпті деңгейден асу мүмкін. Қауіпті деңгей 780 см. 2-Шежін ауылын және өзен бассейнінің төменгі бойынша орналасқан ауылдарды су басу қаупі бар.