Қазақстанда құрылыс жұмыстарының көлемі 12,7% артты

Биылғы екі ай ішінде құрылыс жұмыстарының көлемі 356,6 млрд теңгені құрады, деп хабарлайды Azattyq Ruhy.  

ҚР Ұлттық статистика бюросының хабарлауынша, бұл көрсеткіш өткен жылдың сәйкес кезеңімен салыстырғанда 12,7% артық.

Республикадағы құрылыс жұмыстарын орындаушылар:

• жеке ұйымдар – 70,9%;
• шетелдік ұйымдар – 26,4%;
• мемлекеттік ұйымдар – 2,7%.

«2024 жылғы қаңтар-ақпанда орындалған құрылыс жұмыстарының (қызметтерінің) түрлері бойынша ең көп үлесті тұрғын емес ғимараттарды (жалпы көлемнің 29,2%) және тұрғын үйлерді (11,9%) салу бойынша жұмыстар алып отыр», - делінген бюро хабарламасында.

2024 жылдың қаңтар-ақпан айларында пайдалануға берілген жаңа нысандардың жалпы ауданы 2 336,9 мың м2 құрады, бұл өткен жылдың сәйкес кезеңімен салыстырғанда 0,3% аз.

Жыл басынан бері 4 327 нысан пайдалануға берілді, олардың негізгілері:

• тұрғын ғимараттар – 3 946;
• сауда нысандары – 59;
• кеңселер – 54;
• құбырлар, байланыс желілері – 46;
• қонақ үй, мейрамхана тектес нысандар – 41.