Өртті сөндіруге жеке құрамның 70-ке жуық адамы, 15 техника жұмылдырылды
Астана қаласы ТЖД өрт сөндірушілері таңертең Байқоңыр ауданында ойыншықтар мен жаялықтарды сақтауға арналған бір қабатты қоймада басталған өртті сөндірді, деп хабарлайды Azattyq Rýhy ҚР ТЖМ баспасөз қызметіне сілтеме жасап.
Ведомствоның мәліметінше, өрт сағат 18:23-те сөндірілді.
«Сағат 07.20-да Астана қаласы ТЖД бөлімшелері Байқоңыр ауданында орын алған өрт орнына шықты. Өрт сөндірушілердің келіп жетуі бойынша 1000 ш.м. алдын ала алаңда отпен толық оранған бір қабатты қойма үй-жайы жанып жатқаны анықталды. Өрт кезінде ғимараттың алдыңғы қабырғасы мен шатыры құлады. Оқиға орнында үш жауынгерлік учаске құрылды», - делінген хабарламада.
Өрт сөндіру жұмыстарына жеке құрамның 70-ке жуық адамы, 15 техника жұмылдырылды.