Алматыда автокөлік ағашқа соғылып, жүргізушісі қаза болды

Алматыда Mitsubishi көлігі ағашқа соғылып, жүргізушісі көз жұмды. Бұл туралы Azattyq Ruhy қалалық Полиция департаментіне сілтеме жасап хабарлайды.

Ведомство мәліметінше, жол апаты 17 наурызда шамамен сағат таңғы сағат 05:10-да Сейфуллин даңғылында болған.

«Mitsubishi көлігінің жүргізушісі 1985 жылы туған азамат Ж.,Сейфуллин даңғылымен оңтүстік бағытта келе жатып, Мақатаев көшесінің қиылысында рульге ие бола алмай ағашқа соғылды. Алған жарақатынан жүргізуші қаза тапты. Бір жолаушы зардап шекті», - деп хабарлады Алматы қалалық Полиция департаментінің баспасөз қызметі.

Аталған оқиға сотқа дейінгі тергеп-тексерудің бірыңғай тізіліміне тіркелді. Сараптамалар тағайындалды.