Тазы иттерді Франция басшысына Тоқаев сыйға тартқан болатын
Франция президентінің жеке фотографы Instagram-дағы парақшасында Эмманюэль Макронның қазақы тазылармен түскен суретін жариялады, деп хабарлайды Azattyq Rýhy.
Фотограф жариялаған суретте Франция президентінің жанында үш ит тұр, оның екеуі - тазы.
Еске сала кетейік, былтыр қараша айында Мемлекет басшысының шақыруымен Астанаға сапармен келген Франция президенті этноауыл көрмесін аралап көріп, қазақ халқының бай мәдени мұрасымен танысқан. Сол сәтте Қасым-Жомарт Тоқаев франциялық әріптесіне тазы сыйлауға уәде беріп, қазақы тазының екі күшігі Францияға жеткізілді.
Бұған дейін тазы күшіктеріне Жюль және Жанна деген ат қойылғаны да хабарланған еді.