Германия Парламенті марихуананы қолдануды ішінара заңдастырмақ

Бұдан былай Германияда кәмелетке толғандарға 25 граммға дейін марихуана, гашиш алуға және үйде үш бұтаға дейін өсіруге рұқсат етіледі. Жаңа заң 1 сәуірде күшіне енеді, деп хабарлайды Azattyq Ruhy Euronews-ке сілтеме жасап.

Германия Парламенті каннабисті ішінара заңдастыруды мақұлдады, 407 депутат «қолдап», 226 – «қарсы» дауыс берді.

Жаңа ережелерге сәйкес, жеке тұтыну үшін 50 граммға дейін марихуананы заңды түрде иеленуге және үш өсімдікке дейін өсіруге болады. Қоғамдық орындарда ересектерге 25 граммға дейін марихуана алуға рұқсат етіледі.

Кәмелетке толмағандардың марихуананы сақтауы мен пайдалануына тыйым салынады.