Елордада 2,8 мыңнан астам көппәтерлі тұрғын үй дезинфекцияланды

Елордада күн сайын дезинфекция жұмыстары жүргізіліп жатыр. Қазіргі таңда 2 800-ден астам көппәтерлі тұрғын үйге дезинфекция жүргізілді, деп хабарлайды Azattyq Rýhy тілшісі қала әкімдігіне сілтеме жасап.

Қалада 10 мыңнан астам кіреберіс, 1 500-ден астам спорт және балалар алаңы, 1 300-ден астам автобус аялдамасы және т. б. өңделді. Күн сайын өңдеу жұмысына шамамен 500 адам шығады. Дезинфекция жұмысына қалалық қызметпен бірге Қарулы күштердің биологиялық қорғау бөлімшелері мен әскерге шақырылғандар да қатысады.

Бүгін коронавируспен күресіп жатқан медицина саласының қызметкерлері тұратын Думан қонақ үйінің аумағында дезинфекция жүргізілді.

«Біздің бригаданың бөлімшесі Нұр-Сұлтан аумағын дезинфекциялаумен айналысады. Қаланы дезинфекциялауға 300-ден астам адам мен 30-дан астам арнайы техника жұмылдырылды. Күн сайын біз 80-90 нысанды дезинфекциядан өткіземіз. Әскери бөлімнің жеке құрамы оқытылды, дезинфекция жүргізуге дайын, барлық қажетті құралдармен қамтамасыз етілді, дезинфекциялық құралдар қоры бар», - деп атап өтті 68/665 сәкери бөлімнің Радиациялық химия-биологиялық қорғау қызметінің бастығы Дмитрий Ефимов.

Дезинфекциялық ерітіндімен қаланың барлық базарлары, медициналық мекемелері, сауда орталықтары, супермаркеттер, өткізу-бақылау бекеті, орамішілік аумақтардың іргелес аумақтары өңделеді. Сонымен бірге кіреберістер, балалар алаңдары және т. б. өңделеді.