Шетелдік тауарларды жеткізу уақыты 60-тан 7 күнге дейін қысқарады

Шетелдік тауарларды жеткізу уақыты қысқарады, деп хабарлайды Azattyq Ruhy. 

Бонд қоймаларын ашу Қытайдан Еуропаға  және кері бағытта тауарларды одан әрі транзиттеу үшін ірі шетелдік маркетплейстердің тауарларын орналастыруға мүмкіндік береді. Сауда және интеграция министрі Арман Шаққалиевтің айтуынша, енді шетелдік тауарларды қазақстандық сатып алушыларға жеткізу уақытын алпыстан жеті күнге дейін қысқартуға мүмкіндік береді.

«Сауда бөлігінде шағын және орта бизнес субъектілеріне кешенді мемлекеттік қолдау көрсету мақсатында  «Атамекен» ұлттық кәсіпкерлік палатасымен бірлесіп барлық өңірлерде электрондық сауданы оқыту орталықтары ашылады. Бүгінде мұндай оқыту орталықтары  батыс өңірінің төрт облысында іске қосылды. Кәсіпкерлерге маркетплейстерде қалай тіркелуді, тауарды қалай сатуды және логистиканы құруды үйретеді. Егер экспорттық әлеует болса, онда мұнда контрпартнер іздеуден бастап  сақтандыру және қаржылық шараларды қоса алғанда, көлік шығындарын өтеуге дейінгі  Қазтрейд және ҚазақЭкспорт құралдары қосылады», - дейді министр.

Оның айтуынша, өткен жылдың 1 қаңтарынан бастап тауарлардың электронды саудасын жүзеге асыратын, жеке тұлғалардың электронды түрде қызмет көрсетумен айналысатын шетелдік компаниялар үшін Google салығы (импорт салығы) деп аталатын салық енгізілді.

2023 жылдың қорытындысы бойынша алпыс шетелдік компания тіркелген, олардың төлеген салық сомасы 34,8 миллиард теңгені құрады.