Қар жауып, боран соғып тұр: Түркістан облысы аумағында 3 блок-бекет қойылды

Түркістан облысы аумағында қалың қар жауып, ақтүтек боран басталды. Осы орайда түркістандық полицейлер республикалық, облыстық маңызы бар жолдарды патрульдеуге жұмылдырылды, деп хабарлайды Azattyq Rýhy облыстық полиция департаментіне сілтеме жасап.

Яғни Түркістан облысынан Жамбыл облысы бағытына қарай «Шымкент-Алматы» автожолының Машат пен Шақпақ ата асуы жабылды.

Аталған аумақта тұрғындардың қауіпсіздігін қамтамасыз ету және оқыс жайттардың алдын алу мақсатында полицейлер 3 блок-бекет қойды.

«Осыған байланысты облыс тұрғындарын ұзақ жолға шықпауға шақырамыз. Сондай-ақ жол ережесін сақтап, жылдамдықты асырмаңыздар», - деп ескертеді полицейлер.