COVID-19: соңғы бір айда дүние жүзінде 3 мыңнан аса адам қайтыс болды

Әлемде коронавирус індеті қайта өршіп барады. ДДСҰ дерегіне сүйенсек, 20 қараша мен 17 желтоқсан аралығында аталған инфекцияны 850 мыңнан астам адам жұқтырған, деп хабарлайды Azattyq Rýhy.

Бұл көрсеткіш алдыңғы 4 аптамен салыстырғанда 52%-ке көп.  Оңтүстік-Шығыс Азияда сырқаттанғандар саны 388%-ке, ал өлім-жітім көрсеткіші үш есе өскен.

Дүниежүзілік денсаулық сақтау ұйымының мәліметінше, Ресей коронавирус жұқтыру деректері бойынша әлемде көш бастап тұр. Соңғы бір аптада қауіпті вирус 97 мың адамнан анықталған. Оның 161-і қайтыс болған.

Соңғы бір айда дүниежүзінде 3 мыңнан аса адам COVID-тен қайтыс болған.