Алматыдағы өрттің шығуын тексеретін Үкіметтік комиссия құрылды

ТЖМ басшысы оқиға орнына аттанды

Алматы әкімі Ерболат Досаев оқиға орнына барды / фото: Алматы әкімдігінің баспасөз қызметі

ҚР Премьер-Министрі Әлихан Смайыловтың өкімімен Алматы қаласындағы хостелде болған өрттің себептерін тексеру және оның салдарын жою жөніндегі Үкіметтік комиссия құрылды, деп хабарлайды Azattyq Ruhy.

Оның құрамына мемлекеттік және құқық қорғау органдарының басшылары, сондай-ақ Алматы әкімдігінің өкілдері кірді.

Комиссия төрағасы ҚР Төтенше жағдайлар министрі Сырым Шәріпханов оқиға орнына шұғыл аттанды.

Үкіметтік комиссия өрт салдарынан болған қайғылы жағдайдың себептерін жан-жақты тексеру жұмыстарына дереу кірісіп, зардап шеккендерге бірінші кезектегі көмек көрсетеді.

Бүгін таңертең Алматыда хостел өртеніп, 13 адам қаза тапқан болатын.

Мақалада

#Алматы #өрт #адам өлімі #қайғылы оқиға #Үкімет комиссиясы #ТЖМ

Алдыңғы жаңалық

Алматыда хостелден шыққан өрт кезінде 4 адам ауруханаға жеткізілді