«Үлкен проблема болмайды»: Мусин байланыс операторлары жайлы

Үкіметтегі брифингте Мусинге «Сіз қандай ұялы байланыс операторын қолданасыз? Сізде интернет істемей қалатын, ұялы байланысыңыз дұрыс істемей қалатын жағдай жиі бола ма?» деген сұрақ қойылды.

Цифрлық даму, инновациялар және аэроғарыш өнеркәсібі министрі Бағдат Мусин бұл бойынша үлкен проблемаға тап болмайтынын айтты.

«Мен 2 ұялы байланыс операторын қолданамын. 2 sim-картам бар. Біріншіден, бұл тексеріс жұмыстарын жүргізуге ыңғайлы. Екіншіден, мен көбінесе жұмыста боламын. Сондай-ақ үйде де боламын. Онда wi-fi-да бар. Сондықтан жалпы мұндай үлкен проблемаға тап болмаймын. Бірақ ондай мәселе болғанда тиісті өтініштерді біздің радио мониторинг жүргізетін мекемеге жүгінемін. Сол мекемені жіберемін. Олар сол жердегі ақауды өлшеп, сол өлшем бойынша (ұялы байланыс операторына – автор) айыппұл береді», - деді Мусин.

Сондай-ақ ол операторлармен сол жердегі сапасыз интертен мәселесін шешу бойынша жұмыс істейтінін айтты.

Авторы: Аягөз ҚҰРМАШ