Ердоған Тоқаевқа Түркияда шығарылған TOGG электромобилін сыйға тартты

Мемлекет басшысы Түркия президентін елорда әуежайынан шығарып салды

Фото: t.me/aqorda_resmi

Режеп Тайип Ердоған Мемлекет басшысына Түркияда шығарылған TOGG электромобилін сыйға тартты, деп хабарлайды Azattyq Rýhy Ақорданың баспасөз қызметіне сілтеме жасап.

Қасым-Жомарт Тоқаев Түркі мемлекеттері ұйымының 10-шы саммитіне қатысқан Режеп Тайип Ердоғанға ілтипат білдіріп, елорда әуежайынан шығарып салды.

Режеп Тайип Ердоған өзара құрметтің белгісі ретінде Қасым-Жомарт Тоқаевқа Түркияда шығарылған TOGG электромобилін сыйға тартты. Сондай-ақ Мемлекет басшысына жаңа электрокарды өзі таныстырды.

Қасым-Жомарт Тоқаев Режеп Тайип Ердоғанға алғыс айтып, әріптесін TOGG электромобилінің өндірісін табысты іске қосуымен құттықтады.

Мақалада

#Қасым-Жомарт Тоқаев #Түркия #Астана #Режеп Тайып Ердоған #электромобиль

Алдыңғы жаңалық

Павлодарда балаларына дұрыс қарамаған ана жазаланды