Алматы облысында терроризм идеяларын насихаттады деген тұрғын ұсталды

Ұлттық қауіпсіздік комитеті полиция органдарымен әрекеттесе отырып Алматы облысының тұрғынын ұстады, деп хабарлайды Azattyq Ruhy.

Ведомство мәліметінше, күдікті терроризм идеяларын насихаттады деп күдіктеліп отыр.

«Күдіктінің тұрғылықты жері бойынша тінту кезінде діни әдебиеттер мен өзге де заттай дәлелдемелер тәркіленді», - делінген ҰҚК хабарламасында.

Қазіргі кезде Қылмыстық кодекстің 256-бабының 1-бөлігі бойынша сотқа дейінгі тергеп-тексеру жүргізіліп жатыр.

Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.