Израильдің Газаға жасаған соққыларынан қаза тапқандар саны 8 мыңнан асты

Газа секторында Израиль соққыларынан қаза тапқандар саны 8 005 адамға жетіп, тағы 20 242 адам жараланды, деп хабарлайды Azattyq Ruhy агенттігі Anadolu-ға сілтеме жасап.

Бұл туралы Газа денсаулық сақтау министрлігінің ресми өкілі Ашраф әл-Кудра мәлімдеді.

«Қаза тапқандар арасында 3342 бала мен 2062 әйел бар», - деді ДСМ өкілі.

Оның айтуынша, соңғы тәулікте Палестина эксклавының тағы 302 тұрғыны израильдік шабуылдардың құрбаны болды.

Еске салайық, 7 қазанда палестиналық ХАМАС қозғалысы Израильге қарсы шабуыл жасады. Газа секторынан Израильге қарай мыңдаған зымыран атылып, қарулы топтар Израиль елдімекендеріне кірді.

Бұған жауап ретінде Израиль армиясы ондаған жойғыш ұшақты пайдаланып, Газа секторында Хамасқа қарсы «Темір қылыштар» операциясын бастағанын хабарлады.

Израиль-Палестина қақтығысы ушыға бастағалы бері 8 мыңнан астам палестиналық пен 1400 израильдік қаза тапты.