Рио-де-Жанейрода қарақшылар 35 автобус пен пойызды өртеп жіберді

Бразилиялық Рио-де-Жанейрода қылмыскерлер тобы 35 автобусты өртеп жіберді. Туристерге танымал қаладағы тәртіпсіздіктер жергілікті әскерилендірілген топ жетекшілерінің бірі өлтірілгеннен кейін басталды, деп хабарлайды Azattyq Ruhy Eoronews-ке сілтеме жасап.

«Фаустао» лақап атымен танымал банда басшысының жиені мен оң қолын арнайы операция кезінде полиция атып өлтірді, деді штат губернаторы Клаудио Кастро.

Кек алу үшін қылмыскерлер ондаған көлік құралдарын, соның ішінде пойызды өртеп жіберді. 12 адам ұсталды.

Рионың батыс бөлігіндегі жолдар жабылып, көлік қозғалысы тоқтап қалды. Қалалық әкімдік бес балдық шкала бойынша үшінші деңгейлі дабыл жариялады.

Полицияның қаруланған қылмыстық топтарға қарсы рейдтері Риода жиі кездеседі, онда фавелдіктер жиі атысқа түседі.

Әскерилендірілген күштер екі миллионнан астам адам тұратын кедей аудандарда террор режимін орнату арқылы қала аумағының жартысынан көбін бақылайды.

Бастапқыда, негізінен бұрынғы құқық қорғау органдарынан тұратын отрядтар халықты қаладағы есірткі сатушылар тобынан қорғау үшін құрылды.

Алайда, көп ұзамай олар Рионың батысында жұмыс істейтін және интернет, кабельдік теледидар, көлік және құрылыс сияқты секторларды басқаратын ұйымдасқан қылмыстық топтарға айналды.

Үш апта бұрын жергілікті жағажай барында конференцияға келген үш дәрігер атылды. Тергеушілер өлтірушілер оларды қарсылас әскерилендірілген топтың мүшелері деп қателескен.