Ақтөбе тұрғыны өз үйінің ауласынан БТР патронын тауып алды

Оқиғаның мән-жайы анықталып жатыр

Фото: t.me/POLICE_of_KZ

Ақтөбе тұрғыны өз үйінің ауласынан БТР патронын тауып алды, деп хабарлайды Azattyq Rýhy ҚР ІІМ баспасөз қызметіне сілтеме жасап.

5 қыркүйек күні 102 арнасына жергілікті тұрғын хабарласып, өз үйінің ауласында жер қазып жатып, бронетранспортердің патронына ұқсас затты тауып алғанын айтты.

«Оқиға орнына келген жедел-тергеу тобы қажетті іздестіру іс-шараларын өткізді. Тексеру барысында БТР зениттік қондырғыларының жиырма сантиметрлік патроны анықталды», - делінген хабарламада.

Осы факті бойынша сотқа дейінгі тергеп-тексеру басталды. Оқиғаның мән-жайы анықталып жатыр.

Мақалада

#Ақтөбе #полиция #тұрғын #оқ-дәрі

Алдыңғы жаңалық

Мемлекет басшысы Су ресурстары және ирригация министрін қабылдады