Алдағы күндері елімізде күн суытып, кей өңірде қар жаууы мүмкін
Республиканың басым бөлігінде жаңбыр жауады
Синоптиктер алдағы үш күнде еліміз бойынша ауа райы қандай болатыны туралы болжам жасады, деп хабарлайды Azattyq Ruhy.
«Қазгидромет» РМК мәліметінше, 5-7 қыркүйек аралығында республиканың басым бөлігінде жаңбырлы, салқын ауа райы болып, найзағай ойнайды, сондай-ақ екпінді жел соғады.
«Еліміздің солтүстігінде, шығысында және оңтүстік-шығысында кейде қатты жаңбыр жауады, Қазақстанның оңтүстік-шығысындағы таулы аудандарда жауын-шашын болады, 5 қыркүйекте қатты жауын-шашын жаңбыр мен жылбысқы қар түрінде болады», - делінген хабарламада.
Еліміздің солтүстік-батысында, солтүстігінде, шығысында және орталығында түнгі және таңертеңгі уақытта тұман болуы мүмкін.
Сондай-ақ солтүстік, солтүстік-батыс және орталық аймақтарда ауа температурасы түнгі уақытта 2-10 жылы болса, күндіз 10-20 жылыға дейін жоғарылайды.
