Еуроодақ Украинаға 1,5 млрд еуро транш бөлді

Еуроодақ 18 миллиард еуро макроқаржылық көмек бағдарламасы аясында Украинаға 1,5 миллиард еуро көлемінде кезекті транш бөлді. Бұл туралы Еурокомиссия басшысы Урсула фон дер Ляйен Twitter-де жариялады, деп хабарлайды Azattyq Ruhy.

Ол Ресейдің украиналық астық қоймалары мен экспорттық инфрақұрылымға соққыларын қатты айыптады.

«Ресей өзінің аяусыз соғысын жалғастырып жатқанда, біз Украинаны қолдауды жалғастырамыз. Бүгін біз мемлекетке жұмыс істеуге және инфрақұрылымды жөндеуге көмектесу үшін тағы 1,5 миллиард еуро бөлдік. Бұл көбейе береді», - деп сендірді Урсула фон дер Ляйен.

Естеріңізге сала кетейік, соғыс басталғаннан бері Украина 50 миллиард долларға қаржылық көмек алды. Маусым айының соңында Еуроодақ жыл басынан бері макроқаржылық көмек бағдарламасы аясында Киевке 1,5 миллиард еуроға кезекті траншты аударды.

Сондай-ақ, Еурокомиссия Украинаға 50 миллиард еуро бөлуді талқылап жатқаны белгілі болды..

Урсула фон дер Ляйеннің айтуынша, ЕО Украинаның барлық қажеттіліктерінің 45% -ын жабады.