Индонезияда паром апатқа ұшырап, 15 адам қаза тапты

Индонезияның Сулавеси аралында паром апатқа ұшырап, кем дегенде 15 адам қаза тапты, 19 адам із-түзсіз жоғалып кетті, деп хабарлайды Azattyq Ruhy.

Бұл туралы Reuters агенттігі елдің Ұлттық іздеу-құтқару операциялары басқармасына сілтеме жасап хабарлады.

Әкімшілік мәлімдемесіне сәйкес, түн ортасында суға батқан паромда 40 жолаушы болған. Оның 19-ы із-түзсіз жоғалып кетсе, 6-уы аман қалған.

«Қаза тапқандардң аты-жөні анықталып, денелері отбасыларына берілді, ал тірі қалғандар қазір жергілікті ауруханаларда емделіп жатыр», - деді іздеу-құтқару агенттігінің жергілікті бөлімінен Мұхамад Арафа.

Апаттың себебі әлі анықталған жоқ.