Перуде автобус құздан құлап, 10-нан астам адам қаза тапты

Перу орталығындағы Анкаш аймағында, Карлос-Фермин-Фицкарралд провинциясында автобус 100 метрлік құздан құлап, кем дегенде 12 адам қаза тапты, деп хабарлайды Azattyq Ruhy.

Жергілікті El Comercio басылымының жазуынша, қайғылы оқиға салдарынан сондай-ақ 15 адам жарақат алған.

«Қайғылы жол апаты провинциядан 500 метр қашықта болды. Автобус Яуйя аймағынан Лимаға бағыт алып бара жатқан. Қазіргі уақытта 12 адам қаза тауып, 15-тен астам адам жарақат алды», - деді Ойола.

Қазіргі уақытта оқиға орнында полиция мен медициналық қызмет өкілдері жұмыс істеп жатыр.

Провинция басшысының айтуынша, зардап шеккендер медициналық орталықтарға жеткізілді.