Антикор Жетісу облыстық ТЖД бастығының ұсталғанын растады

Бауыржан Ізбасаров аталған қызметке 2022 жылдың тамызында тағайындалған болатын

ҚР Сыбайлас жемқорлыққа қарсы іс-қимыл агенттігі Жетісу облыстық ТЖД басшысы Бауыржан Ізбасаровтың ұсталғанын растады, деп хабарлайды Azattyq Ruhy.

«Иә, оның жемқорлық дерегіне күдіктелгенін растаймыз. Тергеу мүддесіне орай басқа ақпарат жария етілмейді. Толық ақпарат кейінірек белгілі болады», - деді ведомство өкілдері.

Айта кетсек, Бауыржан Ізбасаров 2022 жылдың тамызында Жетісу облысының ТЖД басқарды. Бұған дейін ол Қызылорда облыстық ТЖД бастығының орынбасары қызметін атқарған.

Антикор ұсталған тұлғаға қатысты қандай бұлтартпау шарасы белгіленгенін нақтылаған жоқ.

Мақалада

#жемқорлық #ТЖД #Антикор #Жетісу облысы

Алдыңғы жаңалық

Перуде автобус құздан құлап, 10-нан астам адам қаза тапты