Қарағандыда коронавирус жұқтырған екі адам анықталды

COVID-19 жаңа коронавирусы Қарағандыға да жетті. Мұнда аталған ауруды екі адам жұқтырған деп хабарлайды Денсаулық сақтау министрлігінің баспасөз қызметі.

Ведомство өкілдері соңғы тәулікте Алматыда да тағы үш адамның вирус жұқтырғаны анықталғанын айтты.

«Коронавирус індетін жұқтырған тағы 5 адам тіркелді. Осы сағатта Алматы қаласында – 22 адам, Нұр-Сұлтан қаласы бойынша 25 адам, Қарағанды каласында - 2 адам, жалпы 49 науқас тіркелді», - делінген аталған хабарламада.

Айта кетейік, Қазақстанда 16 наурыздан бастап коронавирусқа байланысты төтенше жағдай жарияланған. Ал, Алматы мен Нұр-Сұлтан қалаларында 19 наурызда карантин енгізілді.