Ақмола облысында жылдамдық режимін 137 рет бұзған жүргізуші ұсталды

Ақмола облысының полицейлері жылдамдық режимін 137 рет бұзған жүргізушіні ұстады. Жүргізушіге салынған айыппұлдар сомасы 1 млн теңгеден асады, деп хабарлайды Azattyq Rýhy.

Өңірде 7-30 маусым аралығында «Борышкер» шарасы жүргізліп жатыр. Арнайы іс-шараның алғашқы аптасында 5 және одан да көп әкімшілік айыппұлдары бар 20 жүргізуші ұсталды. Бұл ретте 14 қасақана бұзушы шамамен 3 млн теңге сомаға айыппұл төледі.

«Олардың ішіндегі өрескел құқық бұзушы РФ-да есепте тұрған Toyota Camry автокөлігін басқарған Көкшетау қаласының 43 жастағы тұрғыны болып шықты. «Қорғау» бағдарламасының көмегімен полицейлер ер адамның жылдамдықты 137 рет асырып жібергенін анықтады. Бұл құқық бұзушылық 1 млн 250 мың теңге айыппұлды құрады», - делінген өңірлік ПД баспасөз қызметінің хабарламасында.

Патрульдік полиция батальонының қызметкерлері құқық бұзушының көлігін арнайы тұраққа қамады.