Абай облысындағы орман өрті: өрт сөндірушілердің видеосы жарияланды
Тікұшақтар өрт ошақтарына әуеден 442,5 тонна су ағызды
ҚР Төтенше жағдайлар министрлігі Абай облысындағы орман өртінің қалай сөндіріліп жатқанына қатысты соңғы ақпарат жария етті, деп хабарлайды Azattyq Ruhy.
Ведомство мәліметінше, бүгінде өртті сөндіруге жеке құрамнан 600-ден астам адам, 130-дан астам бірлік техника, 1 өрт сөндіру пойызы, сондай-ақ «Қазавиақұтқарудың» 2, «Қазавиаорманкүзетінің» 1 және Қорғаныс министрлігінің 1 тікұшағы жұмылдырылды.
«Бүгінгі таңда тікұшақтар өрт ошақтарына әуеден 169 рет (барлығы 221) 442,5 тонна су ағызды», - деп атап өтті ТЖМ өкілдері.
Төтенше жағдайлар вице-министрі мен Абай облысының әкімі аэровизуалды барлау жүргізді.
Ведомство өкілдері сондай-ақ оқиға орнында өрт сөндірушілердің қалай жұмыс істеп жатқаны туралы видеоны жариялады.
