$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

«Аңсаған сәби»: Өскеменде үшем дүниеге келді

Оның екеуі ұл, біреуі қыз

«Аңсаған сәби»: Өскеменде үшем дүниеге келді
Фото ашық дереккөзден

Өскемен қаласында «Аңсаған сәби» бағдарламасының арқасында үшем дүниеге келді, деп хабарлайды Azattyq Rýhy.

«Әлеуметтік медициналық сақтандыру қоры» ШҚО филиалы баспасөз қызметінің мәліметіне сүйенсек, 9 жыл бойы бала сүйе алмай жүрген ерлі-зайыпты «Аңсаған сәби» бағдарламасының арқасында үшемнің әке-шешесі атанды.

«Өскемен қаласының тұрғыны Жансая Ахмадиева аталған бағдарламаға өтінім беріп, әлеуметтік медициналық сақтандыру қорынан бөлінген квота есебінен ЭКҰ жасатты. Бәрі ойдағыдай болып, әйел үшем туды. Оның екеуі ұл, біреуі қыз», - делінген хабарламада.

Ата-анасы балаларына Ералы, Ерасыл, Зере деп ат қойған. Бүгінде әйел перзентханадан шығуға дайындалуда.

«Ұлдарым қазірдің өзінде мінездерін, еркеліктерін көрсетіп жатыр. Ал қызым маған тартқан секілді, ұйқысы тыныш, сабырлы», - дейді Жансая Ахмадиева.

Серіктес жаңалықтары